قرر في لحظةً ما إنك تكون طبيعي، بدون أي تجمُّل، في شعورك وتصرفك وكلامك، وفي نفس اللحظة هتشعر بجمال اللحظة وجمال نفسك اللي ممكن أول مرة تشوفها في الصورة الجميلة دي
لما بتقرر تكون حقيقي بتفتح أبواب لنفسك من الجمال الطبيعي، اللحظة بتعدِّي خفيفة علي قلبك بدون ثُقل
وجهك بيكون منور لإنك بتقول وبتتحرك بأريحية وتلقائية
وجودك بيكون مرغوب فيه والآخرين بيرتاحوا معاك
شعورك بيكون طيب حتي لو شعور سلبي
لكن عشان بس إنت بتعيشه بحقيقية بيكون له جمال خاص بيه حتي لو مؤلم
كلامك بيكون ذو تأثير، بينجذب لك الأشخاص الحقيقيين مثلك بالضبط
وبتكون مرتاح لإن اللي بتشعر بيه جوه هو اللي بتتعامل بيه بره
الحقيقة هي الجمال في حد ذاته، الكون كله مبني علي الحقيقة، الزيف لو تدخل في تدفق الكون هلك
كل شئ حواليك مظبوط لإنه نابع من حقيقة الله سبحانه